When God Destroyed My Life


Lipay kaayo ko tung gi-ayo ko sa Ginoo sa buyag. Mga lima ka bulan ko dili kalakaw ug walay findings ang mga doctor unsa akong sakit pero ingon sa duha ka mananambal na naibgan daw kog engkanto. Sa gusto makabalo mao ni ay ---> My Greatest Physical Battle

Naayo lage ko pero akong career, finaces, love life, family nagkaguliyang. Feeling nako wala nakoy career kay magsugod na pud ko sa uno. Akong mga team members sa Mary Kay wala na. Sa financial aspect, akong utang sa credit card na wala nako mabayri tung nasakit ko nagkagrabe na ang interest. Nagbulag pa mi sa akong uyab for 7 years. Suko pud nako akong family for so many reasons tungod grabe ilang expectations sa akoa na wala nako na.meet. Nakaana lage ko. "Lord, gibuhi pa ko nimo unya mahanaw ra diay tanan nakong gipaghirapan. Maypag namatay na lang ko uiey kung mao ni." Heartaches after heartaches, disappointments after disappointments, kakapoy ba. Wala jud malikayi ug na-depressed jud ko.

Nakaana pud ko atong panahuna. "Unsa man akong sala, Lord? Nganong gisilutan man ko nimo pag-ayo? Wala man ko nakapatay ug tao. Basin akong sarili akong patyon ani pag dili na lage ko kaagwanta ba." Mao ni nga time na niundang nako sa akong meditation practice kay kada mag-meditate ko ang musulod sa akong huna-huna, pagkuha ug kutsilyo i-saksak sa imong tutunlan.

This was me 4 years ago...

Ug karon ra nako nakita ang kahayag gamay sa Iyang plano. Dali ra kaayo nato as tao mu-assume nga gisilutan ta sa Ginoo. Ato dayon huna-hunaon atong mga sala. Unya basulon dayon nato atong sarili thinking nga deserve nato kay makakasasala tang daku or dili kaya kalagutan nato ang Ginoo.

Sa tinuod lang, karon ra nako nasabtan Iyang plano jud. Dili diay niya intensyon gubaon akong kinabuhi kundi gitagaan ko niyag opportunity to build the life that I truly want for myself kay ang akong kinabuhi bago ko nabuyagan wala nag-reflect sa tinuod nga ako kundi nagbase lang sa unsay gusto sa society, sa akong family, relatives, teachers, mentors, etc. Dili sa kung unsa jud akong gusto. Living a fake life is super exhausting kay I was living for the expectations of others than for my own happiness. 

Since magsugod naman pud kog balik (start from scratch) nagsulat kog intensyon atong mga panahuna unsa akong gusto sa akong kinabuhi in all aspect: career, love life, family and finances. Ug akong na.realize nga sa kalisud ug kapait pud nato mabal-an ang mga BS bullsh*t este (Belief System) diay nga nagbabag para mahitabo atong mga pangandoy.

Unsa ng Belief System? Mao na atong thoughts nga sige natug huna-hunaon nga nigamot na sa atong huna-huna ba na mao nay nihulma sa atong reality. Unya kini nga thoughts gikan pa ni sa atong pagkabata. Nakuha nato sa atong parents, family, friends, masking kang kinsa nga wala nato huna-hunaa kung sakto ba to nga thought, belief o pagtuo. Makaayo ba to para nato o dili? Gamay rana nga thought pero sa sige nimog huna-huna magkadaku ng magkadaku. Thoughts Are Things biya.


So, unsay buhaton when we hit rock bottom?

Aside sa pag-ampo, dili pud ta dapat mawad-an ug pagsalig. Always have faith in your dreams that someday it will manifest in your reality and do not lose hope during the process. Nga kining kalisud atong nasinati dili ni magpermanente. Focus on your dream and the life that you really really want for yourself. Kung giguba man sa Ginoo atong initial plano, salig lang kay naa na siyay ipuli na mas nindot labi pa kung atong gipangayo sa Iya kinasing-kasing.

Dili gyud malikayan nga mahadlok ta sa proseso sa iyang plano sama nako tung-una pero ang tumong ra diay ato kay atubangon nako akong mga kahadlok (fears) and deal with them one on one. Mura jud nagtinuod ang fears labi pa nga naa koy depression mura siyag monster nga gusto ko kaunon. Unsa akong gibuhat? Nagpakaon ra pud ko sa akong kahadlok. Gibati lang nako siya tibuok nakong lawas and with unconditional presence. Mawala ra diay siya ug wala ko naunsa. Mao ni ilang ginatawag na psychological death. Every time atubangon nako isa-isa akong mga kahadlok, hinay-hinay pud ko na.renew as a human being kay akong perspective galawak pud hinay-hinay.

Ang suicidal thoughts dili jud na malikayan. I.observe lang jud ni siya ug dili ta mu.take action sa unsa may i.suggest sa atong suicidal thoughts. Observe lang. Also, have someone whom you trust to talk about your problems. Makatabang sad daku ang pamalikas kay tungod sa pamalikas dira nato ma.express o mapagawas ang negative vibration na naa sa atong sulod. Pinaka-importante sa tanan kay mangita ta unsay nindot nahitabo kada adlaw. Mag.scavenger hunt ug mga positive. In my case tung-una ing-ani ko mag-isip. "Lami na bitaw magpakamatay pero guapa man ko rong adlawa sayang mabawasan na ang mga guapa diri sa kalibutan (hehehe), aw, ugma na lang ko magpakamatay." Then, pagkaugma, "Lami kaayo ang pagkaon na gilibre sa akong amiga, sige ugma na lang ko magpakamatay aron kakaon pa kog lami." Sa sige nakog postpone kay kada adlaw naa man koy makit-an nga nindot na panghitabo sa akong kinabuhi wala damha naabot na lang ron wala pako nagpakamatay...hehehe Hangtod sa nadawat na nako ang mga panghitabo sa akong kinabuhi labi natung nagka-anak nako. Nangako na jud ko sa akong sarili nga dili na jud ko magpakamatay.

Pag nadawat na nato tanan labi natung mga sakit ug pait na panghitabo, diha ta makakita ug solusyon unsaon pagsulbad sa atong mga problema. Hinay-hinay ako siyang gisulbad hangtod karon. Permi lang nako ingnon akong sarili na One Step At A Time. Baby steps lang sa (aron dili ko ma.overwhelm kay naa pud koy depression) makaabot gihapon ko sa finish line. Unsa pay nakanindot kay bahalag dugay nako makab-ot akong pangandoy at least akoa maning gusto na kinabuhi dili para sa akong parents o sa uban tao kundi para sa akong sarili.

Sa mga naay kaila na suffering from depression o naa sa grabeng kalisud karon sa ilang kinabuhi, please send or share this blog to them.

- The End -

Anyways, sa mga gusto makat-on about Financial Literacy and save money and then invest it in Philippine Stock Exchange, join with me in Truly Rich Club by Bo Sanchez.
Investing in stock market is risky yet with proper guidance from Truly Rich Club, you're in good hands.

Comments

Popular posts from this blog

Appreciating What We Already Have: My Journey from Self-Doubt to Gratitude

Experience the Natural Power of Herbs with Supreme Herb Turmeric Soothing Gel Max Strength: An Organic and Edible Solution to Pain and Inflammation

Breaking the Stigma: Choosing to Be a Single Mom