Beauty Is Beyond What The Eyes Can See

Kita namo sa movie na MOMOL Nights? Portrayed by Kim Molina and Kit Thompson. Directed by Benedict Mique. Aside sa lesson nakuha sa bida (Kim Molina) sa iyang MOMOL (Make Out Make Out Lang) experience. Naa pakoy nakita na message sa movie na akong i-share sa inyo. Ang mensahe kay dili kelangan ikaw ang pinakaguapa in terms sa physical appearance magka-jowa ug guapo sama ni Kit Thompson.

TBH (To Be Honest) masuya na mairita ko magtan-aw sa commercial sa Maxi Peel katung commercial nila na dili na daw siya maminyo kay pangit siya tungod kay daghan siya'g bugas. My reaction, "Mura jowg ang nawong lang ang batayan para maminyo." Para nako this is total BS (Belief System) that limit us and prevent us to achieve our happiness.

Dili pud nako masisi ning mga bayhana kung mao ni ilang pagtuo kay mao sad ilang nasinati sa ilang kinabuhi. IRL (In Real Life), gikan sad ko diha. Pangitan pud ko sa akong sarili to the point na dili ko ganahan mutan-aw sa akong dagway sa salamin. I hate myself hangtod sa gibugas gyud kog taman ug nawad-an nakog pag-asa muhamis pa akong nawong kay naggamit nako maski unsang skin care wala gihapon nahamis akong nawong. Pero nahitabo ni siya 2012-2013 so kabalo nako bahin anang Thoughts Are Things. Mao na I know this had something to do with my deep-rooted thoughts and beliefs about ugliness sukad pa tung bata pako. So, akong gibuhat aside sa nagkugi kog pangnudnud sa akong nawong, ako pong gitrabaho akong BS (Belief System) bahin sa ugliness and self-hate na naa sa akong huna-huna hangtod sa mangawala na sila. I shared it here on my previous blog post --> Beauty is in the Eye of the Beholder

RT (Real Talk) Akong napansin sa katilingban nato karon kay limitado kaayo atong panan-aw bahin sa Beauty especially sa mga babae. Daghan kaayo tag reklamo sa atong nawong ug lawas. Tungod kay nituo ta sa mga dautang panulti sa uban tao kesyo budlat atong mga mata, pango atong ilong, taba, itom ta, ug labaw sa tanan kanang bugason ta. I-equate na dayon nato na pangit ta. Aw, sabagay kining mga tao nga hinawayong daku kay gipangitan pud na sila sa ilang mga sarili wala lang sila kabalo. Mao ni ang mga obvious na wala nato na-appreciate atong beauty na gihatag sa Ginood. Sama nako tung bata pako. Dili man ko mutuo sa akong sarili nga guapa ko so kung naay mudayeg nako dili ko katuo. Dili nako madawat ilang pagdayeg sa akoa. So sad kay dili gyud ni mao ang kamatuoran sa Universe.

Akong wish lang noh labi na sa mga kababaihan na makaamgo unta tang tanan nga guapa ta ug sexy maski pag naay depekto atong nawong o lawas. Kabalo ko murag imposible o lisod tuohan kay naa tay set of concepts as a society nga kini mao ni ang pangit o bati ug kini mao ni ang guapa o nindot. Pero para nako nga for 5 years nako nag-inner work sa akong sarili makaingon ko nga posible. Imposible siya kung atong pagtuo bahin sa Beauty kutob ra sa unsay makita sa mata. Pero sultian tamo Beauty is beyond what the eyes can see. Ang atong pagkaguapa dili lang sa hitsura nakabase kundi sa atong pagkakita. How we see ourselves ug atong unique essence ug value na mahatag nato sa atong isig katao. Ang pagkaguapa nato nakabase sa atong kumpiyansa sa atong sarili (self-confidence) ug atong positive outlook in life. The more dawat nato atong sarili as a whole, the more confident ta, the more ta muguapa maski dili kaayo ing-ana kaanyag atong hitsura. Kay kung dawat nato atong sarili maski pag-isalikway ta sa mga tao o sawayon atong hitsura, dili nato na personalon kay ang atong self-worth ug self-esteem wala nagdepende sa ilang opinion.

Wala pud ko nag-ingon ha nga dili nata mangarte. Syempre, mangarte pud ta uiey para mapansin pud ta ni Mr. Right. Sa atong pagpangarte o self-care sa atong sarili physically apilon pud nato i.work-out atong emotional and mental aspect para people can see our beauty in all aspect of our being maski dili kaayo ta ing-ana ka hitsuraon.

Mao na sa movie na MOMOL Nights, gipares jud si Kim Molina ug Kit Thompson. Dili mga super guapa ug guapo na love team sama nila KathNiel, LizQuen, etc. para hatagan ug gibug-aton ang mensahe na it's not only about our physical appearance in order to get Mr. Right.

Sa mga hitsuraan pud, naa pud na silay dilema na ang mga nakagusto nila gusto ra ilang nawong, lawas o physical appearance pero dili ilang soul/kalag kung kinsa jud sila. Mao na kung hitsuraan ka nga babae lisod kaayo ang discernment o pag-ila kinsa jud tung laki nga tinuod nahigugma nimo. Kay dili raba permi nga nindot atong physical appearance hangtod sa hangtod. Muabot raba jud ang panahon nga manambok ta, mapangit, matigulang so ang laki nga tinuod naghigugma nimo dili gyud mausab ilang paghigugma sa imo.

Mao na sa katapusan sa movie nahigugma si Marco (Kit Thompson) kay Peng (Kim Molina) tungod sa iyang qualities na weird in a positive way, funny and innocent girl ug kay nakita pud ni Peng ang soul/kalag ni Marco pinaagi sa iyang art. She sees Marco more than just his pretty face and sexy body. Sa ilang MOMOL Nights, they were able to find attraction to each other plus the more they spend time together they were able to make a soul to soul connection. Mao ni ang nindot mag-uban ba. Kanang makakita kag dili lang lami sa kama kundi parehas pud sa imong kaliki sa utok nga magkasinabot mo. Perfect!

Busa, sukad karon hinay-hinay na tag appreciate sa atong own beauty na gihatag sa Ginoo para hinay-hinay pud magkadaghan ang mudayeg nato. We deserve appreciation because appreciation is an act of love.  Ug kining pagdayeg na gihatag sa uban tao ato ning dawaton ug ibutang sa atong utok labi na kung nagdaku ta nga gatuo nga dili ta guapa aron hinay-hinay nato mailisan ang BS (Belief System) nga bati. Hatag pud tag tinuod na pagdayeg sa uban para makabalo pud sila unsa sila kaanyag. Naa rana nilag dawaton nila o dili basta kay nidayeg ta ug nisulti tag tinuod. Ika nga, "Spread Love."

Next Monday, I will share with you how I overcome my insecurities in terms of beauty. 

By the way, for those who want to save and invest, be part of this community Truly Rich Club by Bo Sanchez and learn more about Financial Literacy and Stock Market Investment para dili lang ta guapa naa pud tay kuarta...hehehe